უსაფრთხო ზაფხული ბავშვებისთვის: 7 რჩევა მზისგან დამცავის შესარჩევად და თქვენი პატარას დასაცავად
როგორც მშობლებისთვის, ჩვენი შვილების ჯანმრთელობა და კეთილდღეობა ჩვენი ნომერ პირველი პრიორიტეტია, მაგრამ როდესაც საქმე ეხება ბავშვების მზისგან დაცვას, მზის მოვლისა და მზისგან დამცავი საშუალებების შერჩევა შეიძლება ცოტა დამაბნეველი გახდეს, განსაკუთრებით ახალბედა მშობლებისთვის.
მზის მავნე სხივების ზემოქმედებისას, ბავშვის ნაზი კანი შეიძლება დაიწვას 15 წუთზე ნაკლებ დროში[1], რამაც შეიძლება გამოიწვიოს ცხელება, ბუშტუკები და სითბური ინსულტი და ასევე გაზარდოს თქვენი ბავშვის კანის კიბოს რისკი. სინამდვილეში, ერთმა ცუდმა დამწვრობამ ბავშვობაში შეიძლება გააორმაგოს ბავშვის მელანომის განვითარების რისკი.[2]
ასე რომ, სანამ სიამოვნებით გამოხვალთ გარეთ, ბავშვისთვის უსაფრთხო მზის აბაზანების მისაღებად მიჰყევით მზისგან დაცვის ამ 7 რჩევას!
მზისგან უსაფრთხო დაცვა ექვს თვეზე მეტი ასაკის ჩვილებისთვის:
ყოველთვის აირჩიეთ მზისგან დამცავი საშუალებები ფართო სპექტრით:
მზეზე მიფიცხებისას რეალურად ვექვემდებარებით 2 ტიპის UV სხივებს:
- UVA (ულტრაიისფერი A სხივები (Ultraviolet A Rays) სხივები, რომლებიც ღრმად აღწევს კანში და პასუხისმგებელია ჩვენი დაბერების პროცესზე, მას „დაბერების სხივებსაც“ უწოდებენ
- UVB (ულტრაიისფერი B სხივები (Ultraviolet B Rays)) სხივები, რომლებიც პასუხისმგებელნი არიან მზის დამწვრობაზე.
შეარჩიეთ მზისგან დამცავი საშუალება, რომელიც იცავს როგორც UVA, ასევე UVB სხივებისგან, ისინი ცნობილი არიან როგორც "ფართო სპექტრის" მზისგან დამცავები.
მოერიდეთ მზისგან დამცავ კრემებს მაღალი SPF-ით: SPF 30 საუკეთესო გზაა!
ბევრ ადამიანს სჯერა, რომ მაღალი SPF-ის მქონე მზისგან დამცავი საშუალებები უკეთეს დაცვას უზრუნველყოფს, ვიდრე დაბალი SPF-ის მქონე. სწორედ ამიტომ მშობლებს ურჩევნიათ აირჩიონ მზისგან დამცავი საშუალება, რომელსაც აქვს ყველაზე მაღალი SPF-ი. თუმცა, მზისგან დამცავი მაღალი ფაქტორი სულაც არ არის უკეთესი. სწორად გამოყენების შემთხვევაში, მზისგან დამცავი SPF 30 დაბლოკავს UVB სხივების 96,7%-ს, ხოლო SPF 70 დაბლოკავს 98,5%-ს, გასაკვირია, არა?
გარემოსდაცვითი სამუშაო ჯგუფის (EWG) თანახმად, მზისგან დამცავი საშუალებები 50-ზე მეტი SPF-ით შეიცავს ქიმიურ ფილტრების უფრო მაღალ დოზას. EWG გირჩევთ გამოიყენოთ მზისგან დამცავი კრემი SPF 15-დან 50-მდე, მაგრამ SPF 30 ადეკვატურად დაიცავს თქვენს შვილს.
უპირატესობა მიანიჭეთ ფიზიკურ (მინერალურ) მზისგან დამცავების, მინერალური თუთიის ოქსიდი თქვენი ბავშვის საუკეთესო მეგობარია:
რითი განსხვავდება ქიმიური და ფიზიკური მზისგან დამცავები?
ფიზიკური ანუ მინერალური დამცავი – მას მეორენაირად უწოდებენ მინერალურ შემაკავებელს. ამ ტიპის მზისგან დამცავი პროდუქტი შეიცავს ტიტანის დიოქსიდსა და თუთიის ოქსიდს ან ორივე მათგანის კომბინაციას.
აღნიშნული მინერალების შემცველი მზისგან დამცავი საშუალებები კანის ზედაპირზე ქმნის ერთგვარ დამცავ ბარიერს, რის შედეგადაც მზის სხივები ზედაპირზე აირეკლება და კანის სიღრმეში აღარ აღწევს
ფიზიკური ფილტრები- ფანტავს გამოსხივებას და მოქმედებს კანის ზედაპირზე.
ქიმიური დამცავი – ამ ტიპის მზისგან დამცავები შედგება რამდენიმე ინგრედიენტის კომბინაციისგან – ავობენზონი, ოქსიბენზონი და ოქტოკრილენი, რომლებსაც კანის ზედაპირი იწოვს. ამ ტიპის მზისგან დამცავის გამოყენების დროს, მზის სხივები ეცემა კანის ზედაპირს, რომლის დეაქტივაცია ხდება სწორედ ზემოთ აღნიშნული ინგრედიენტების დახმარებით.
ტიტანის დიოქსიდი თუ თუთიის ოქსიდი? - ჩვენ ვფიქრობთ, რომ ტიტანის დიოქსიდი უსაფრთხო და ეფექტურია UVB (და ზოგიერთი UVA) სხივებისგან დასაცავად, თუმცა, ტიტანის დიოქსიდი ყოველთვის უნდა იქნას გამოყენებული თუთიის ოქსიდთან ერთად, რათა მიაღწიოს ჭეშმარიტ ფართო სპექტრის დაცვას.
ნაწილაკების ზომა მნიშვნელოვანია: მოძებნეთ არანანო მზისგან დამცავი საშუალებები
ნაწილაკების ზომა - მნიშვნელოვანია ფიზიკური მზისგან დამცავი საშუალებების გამოყენებისას. ნანონაწილაკები უკიდურესად მცირე ნაერთებია, რომლებიც „დაფქვილია“ წვრილ ნაწილაკებად. ეს ამცირებს კანზე თეთრი ნარჩენების გამოჩენას, რაც აადვილებს მზისგან დამცავი კრემის გამოყენებას, არ ათეთრებს, უფრო მსუბუქს და შესაბამისად უფრო მიმზიდველს ხდის მომხმარებლებისთვის. თუმცა, ნანონაწილაკების მინუსი არის ის, რომ მათ შეუძლიათ შეაღწიონ თქვენი ბავშვის ნაზ კანში. იმის გამო, რომ ჯერ კიდევ მიმდინარეობს კვლევები ადამიანის ჯანმრთელობაზე მათი პირდაპირი ზემოქმედების დასადგენად, როგორც პრევენციული ღონისძიება, რეკომენდებულია ნანონაწილაკების თავიდან აცილება აქტუალურ პროდუქტებში, EWG-ის ექსპერტების აზრით, ყველაზე უსაფრთხო ვარიანტია არანანო თუთიის ოქსიდის მინერალური მზისგან დამცავი კრემის გამოყენება.
ასე, რომ მიაქციეთ ყურადღება რომ თვენი ფიზიკური (მინერალური) მზისგან დამცავი შეიცავდეს ე.წ. non-nano თუთიის ოქსიდს.
non-nano თუთიის ოქსიდი - ის არ შეიწოვება თქვენს კანში, არ აზიანებს გარემოს და უზრუნველყოფს შესანიშნავ UVA და UVB დაცვას
წაისვით მზისგან დამცავი საშუალება 20 წუთით ადრე (ეს დრო სჭირდება კანს, რომ მაქსიმალურად მიიღოს და გაითავისოს მზისგან დამცავი ფილტრები), შემდეგ ყოველ 2 საათში ერთხელ
იმის გამო, რომ ჩვენ შეცდომით ვფიქრობთ, რომ უფრო მაღალი SPF-ით ვიღებთ უკეთეს დაცვას, უფრო მეტ დროს ვატარებთ მზეზე და ვიყენებთ ნაკლებ მზისგან დამცავ კრემს. მნიშვნელოვანია მზისგან დამცავი კრემის ხელახლა წასმა ყოველ ორ საათში ერთხელ, თქვენი მზისგან დამცავი SPF -ის მაჩვენებლის მიუხედავად.
ექვსი თვის და უფროსი ასაკის ჩვილებს წაუსვით მზისგან დამცავი კრემის დიდი რაოდენობა (მინიმუმ 30 მლ) მზეზე გამოსვლამდე 20 წუთით ადრე, შემდეგ ყოველ ორ საათში ერთხელ. განსაკუთრებული ყურადღება მიაქციეთ მგრძნობიარე ადგილებს, როგორიცაა თავი, ყურები და ცხვირი. დაიმახსოვრეთ, რომ მზისგან დამცავი საშუალება ცურვის ან ოფლიანობის შემდეგ სცილდება, მაშინაც კი, თუ ის წყალგაუმტარია, ამიტომ აუცილებლად წაისვით ყოველ ჯერზე, როცა ბავშვს წყლიდან ამოიყვანთ, ან როცა გარეთ ხართ დიდი ხნის განმავლობაში.
დაიცავით თქვენი შვილი, ჩრდილში ყოფნის დროსაც კი!
წაიკითხეთ ეტიკეტი
მზისგან დამცავ ქიმიკატებს შეიძლება ჰქონდეს მავნე ზეგავლენა თქვენს შვილზე. ისინი შთანთქავენ UV სხივებს კანზე ქიმიური რეაქციის გამოწვევით, რამაც თავის მხრივ შეიძლება გამოიწვიოს ჯანმრთელობის პოტენციური რისკი და კანის არასასურველი რეაქციები, როგორიცაა გამონაყარი, კანის ალერგია და ეგზემა.
ყოველთვის შეამოწმეთ ინგრედიენტების სია პირადი მოვლის საშუალების შეძენამდე და ყურადღება მიაქციეთ მზისგან დამცავ ინგრედიენტებს, რომლებიც თავიდან უნდა იქნას აცილებული, EWG-ის მიხედვით. ჩამოთვლილ ინგრედიენტებს შორის ოქსიბენზონი (საშიშროების ქულა 8) და ოქტინოქსატი (საშიშროების ქულა 6) შეფასებულია ყველაზე მაღალი ტოქსიკურობის ინდექსით, რასაც მოჰყვება ჰომოსალატი, ოქტისალატი და ბენზოფენონ-2 (BP-2), ზომიერი საშიშროების ქულა: 4.
ასევე დარწმუნდით, რომ მზისგან დამცავი საშუალება, რომელსაც იყენებთ თქვენს შვილზე, არ შეიცავს სინთეზურ კონსერვანტებს, სინთეზურ არომატიზატორებს, საღებავებს და სხვა ქიმიკატებს და რომ ის არის EWG-VERIFIED™. ჩვენ გირჩევთ შეამოწმოთ EWG-ის მზისგან დამცავი საშუალებების მონაცემთა ბაზა, რომელიც აფასებს მრავალი SPF-ით შეფასებული პროდუქტის უსაფრთხოებასა და ეფექტურობას და ზომავს ყველა ინგრედიენტის ნეიროტოქსიკურობის ინდექსს.
https://www.ewg.org/sunscreen/report/the-trouble-with-sunscreen-chemicals/#.W2CfvNhKhE5).
იცოდით რომ, როდესაც თქვენ იცავთ თქვენს შვილს მზისგან დამცავი საშუალებებით, თქვენ ასევე იცავთ მარჯნის რიფებს!
არასამთავრობო ორგანიზაცია Marine Safe-ის ცნობით, პირადი მოვლის საშუალებებიდან 82 000-ზე მეტი სახის ქიმიკატები ხვდება მსოფლიო ოკეანეებში. და ამ მასიური დაბინძურების ერთ-ერთი ყველაზე დიდი დამნაშავე მზისგან დამცავი საშუალებაა.
მზისგან დამცავ საშუალებებში ნაპოვნი მრავალი ინგრედიენტი, როგორიცაა ოქსიბენზონი, ოქტინოქსატი და ბენზოფენონ-2, შეიძლება ჰქონდეს უარყოფითი გავლენა თქვენი ბავშვის ჯანმრთელობასა და ოკეანის ბინადართა ცხოვრებაზე. სანაპირო ოკეანის მეცნიერების ეროვნული ცენტრების (NCCOS) მკვლევარებმა აღმოაჩინეს, რომ ბენზოფენონ-2 (BP-2) ათეთრებს ფერად მარჯნებს, კლავს არასრულწლოვან მარჯნებს და პოტენციურად იწვევს ან ზრდის მარჯნის მუტაციას მათი დნმ-ის დაზიანებით. ასე რომ, შემდეგ ჯერზე, როცა ოკეანის თბილ წყლებში ჩახვალთ, იფიქრეთ მარჯნებზეც!
საბედნიეროდ, ბუნებრივი მინერალური ინგრედიენტები თუთიის ოქსიდი და ტიტანის დიოქსიდი არ არის საზიანო მარჯნის რიფებისთვის. დაიცავით თქვენი ბავშვის კანი და მარჯნის რიფები ისეთი მზისგან დამცავი საშუალებების შეძენით, რომელიც შეიცავს არანანო თუთიის ოქსიდს.
[1] https://www.canada.ca/fr/sante-canada/services/securite-soleil/conseils-securite-soleil-pour-parents.html
[2] https://www.skincancer.org/Media/Default/File/File/rays-awareness-lesson-overview-2.pdf
[3] https://www.ewg.org/sunscreen/report/whats-wrong-with-high-spf/#.W2D7dy8ZMWo
[4] https://www.ewg.org/sunscreen/report/the-trouble-with-sunscreen-chemicals/
[6] https://oceanservice.noaa.gov/news/feb14/sunscreen.html